logo-img

एउटा ढुङ्गो जसले यी व्यक्तिलाई बनायो रातारात करोडपति

तान्जानियामा एक सामान्य व्यक्तिले आफ्नो जीवनका लागि सबैभन्दा ठूलो खोज गरेका छन्, जसलाई अहिले देशकै सबैभन्दा ठूलो खोज भनेर चित्रण गर्न थालिएको छ ।

अनि यी व्यक्ति जसले यो खोज गरेका छन्, उनी अब निकै ठूलो पार्टी गर्ने योजनामा रहेका छन् । 

तर, अचम्ममा पर्नु पर्दैन, उनले खोजेको यो कुरा अरु केही नभएर ढुङ्गा हो । र, यसलाई फेला पारेका हुन्, सैनिनियु लाइजरले । उनले दुई ठूला तन्जानाइट ढुङ्गा फेला पारेका हुन्, जसको तौल १५ किलो छ ।

पृथ्वीमा नै पाउने अत्यन्त दुर्लभ मानिएको यो ढुङ्गा पाएपछि उनलाई अब ३४ लाख अमेरिकी डलर अर्थात् झन्डै ४० करोड रुपैयाँ मिल्ने भएको छ । उनलाई यो तान्जानियाको उत्खनन मन्त्रालयले दिन लागेको हो । अब लाइजर रातारात करोडपति बनेका छन् ।

अनि रातारात करोडपति बनेपछि लाइजरले भनेका छन्, ‘म एउटा ठूलो पार्टी गर्नेछु ।’ लाइजर ३० भन्दा धेरै बच्चाका बाबु हुन् । 

तान्जानाइट केवल उत्तरी तान्जानियामा पाइन्छ । र, गहनाका रुपमा प्रयोग हुने यो पत्थर निकै महंगो मानिन्छ । यसबाट औंठी, ब्रेसलेट तथा नेकलेस बनाइन्छ । अन्य आभुषणका लागि पनि तान्जानाइटको प्रयोग हुनसक्छ । 



केही वैज्ञानिकहरुले यो पत्थर अबको २० वर्षपछि पूर्ण रुपमा लोप हुने अनुमान गरेका छन् ।

लाइजरले यो पत्थर पाएपछि उनलाई राष्ट्रपतिले पनि फोन गरेर बधाई दिएका छन् । उनले बधाई दिँदा भनेका थिए– यसले यो प्रमाणित गरेको छ कि तान्जनिया निकै धनी राष्ट्र हो । 



  • प्रकाशित मिति : कात्तिक २०, २०७९ आइतबार ०:५६:५३

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।



यो सामग्री सेयर गर्नुहोस्

यो सामग्री सेयर गर्नुहोस्

यो पनि नछुटाउनुहोस्
मल्टिमिडिया