शुक्रबारबाट हुने तय भएकाे प्रजातन्त्रवादी प्राध्यापक संघकाे राष्ट्रिय महाधिवेशन स्थगित भएकाे छ । संघका अध्यक्ष जगत तिमिल्सिनाले विज्ञप्ति जारी गरेर महाधिवेशन स्थगित भएकाे जानकारी दिएका हुन् ।

प्रतिनिधि विवादका कारण प्रजातन्त्रवादी प्राध्यापक संघकाे महाधिवेशन दुइ स्थानमा ताेकिएकाे थियाे । संस्थापन पक्षले काठमाडाैंकाे प्रज्ञा भवन र इतरपक्षले कीर्तिपुरमा महाधिवेशन आयोजना गरेका थिए । 

नेपाली कांग्रेस केन्द्रीय नेतृत्वबाट हाललाई अधिवेशन स्थागित गर्न अनुरोध गरिएको जनाउँदै अध्यक्ष तिमिल्सिनाले अर्को सूचना जारी नभएसम्मका लागि पाँचौँ राष्ट्रिय महाधिवेशन स्थागित भएको जानकारी गराएका हुन् ।