भारतको उत्तरी राज्य हिमाञ्चल प्रदेशमा दुई दिनदेखि परेको भीषण वर्षाका कारण उत्पन्न प्राकृतिक प्रकोपमा परी मृत्यु हुनेको संख्या ५५ पुगेको छ ।

मृत्यु हुनेको अझै बढ्नसक्ने हिमाञ्चल प्रदेशका मुख्यमन्त्री सुखविन्दर सिंह सुखुले बताएका छन् । हिमाञ्चल प्रदेशमा जुन २४ मा मनसुन सुरु भएदेखि नै भारी वर्षा भइरहेको छ जसले पहिरो, चट्याङका कारण ठूलो विनाश निम्त्याएको छ । 

सोमबार समर हिलमा रहेको एउटा मन्दिर पहिरोमा परेको थियो । जसमा ३० देखि ३५ जनाभित्र फसेको अनुमान गरिएको राष्ट्रिय प्रकोप प्रतिक्रिया बलका अधिकारी नफीस खानले बताएका छन् । 

घटनास्थलबाट ११ जनाको शव निकालिएको छ । खोजी कार्य जारी रहेको छ ।