ग्रीकमा बाढीका कारण मृत्यु हुनेको संख्या १० पुगेको छ । बाढी प्रभावित क्षेत्रको स्थलगत अवलोकनपछि ग्रीकका प्रधानमन्त्री किरियाकोस मित्सेटाकिसले प्रभावित सबैलाई पूर्णरूपमा सहयोग गर्न निर्देशन दिए ।
ग्रीस नागरिक संरक्षण र जलवायु संकटमन्त्री भासिलिस किलियासाले बाढीबाट मृत्यु हुनेको संख्या १० पुगेको घोषणा गर्दै पीडितलाई तत्काल राहत र उद्धार गर्न आग्रह गरे ।
ग्रीकका मौसमविद्का अनुसार डेनियल भनेर चिनिने आँधीले सोमबारदेखि ग्रीकमा ठूलो क्षति पुर्याएको थियो । बाढीले घर, पुल, बाँध र सडक भत्काएको छ । तीन वर्षअघि पनि इयानोस आँधीका कारण धेरै क्षति भएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।