अर्जेन्टिनी कप्तान लियोनल मेस्सीले फिफा विश्वकप २०२२ मा लगाएको जर्सी ६.१ मिलियन पाउन्डमा बिक्री भएको छ । न्युयोर्कमा भएको लिलामीमा उनले विश्वकपका लगाएका ६ वटा जर्सी संयुक्तरूपमा सो रकममा बिक्री भएको हो ।  

कतार विश्वकपमा मेस्सीले सात खेल खेलेका थिए । जसमध्ये समूह चरणको एक खेलमा उनले अष्ट्रेलियाका क्यामी डेभलिनसँग जर्सी साटेका थिए । बाँकी खेलमा लगाएको उनको जर्सी बिक्री भएको हो । 

अर्जेन्टिनाले फाइनलमा फ्रान्सलाई टाइब्रेकरमा ४–२ ले हराउँदै विश्वकप उपाधि जितेको थियो ।