पाकिस्तानको दक्षिणी बन्दरगाह सहर कराँचीमा रहेको एउटा भवनमा सोमबार ग्यास सिलिण्डर विस्फोट हुँदा कम्तीमा तीन जनाको मृत्यु भएको छ । साथै अन्य १२ जना गम्भीर घाइते भएको उद्धार सेवाले जनाएको छ । 

उद्धार संस्था ईधी फाउन्डेसनका एक अधिकारी सलमान नसीरले बताएअनुसार माछार कोलोनी क्षेत्रमा नयाँ ग्यास सिलिण्डर दुईतले आवासीय भवनमुनि रहेको सिलिण्डरको पसलमा सार्नेक्रममा दुर्घटना भएको हो । 

विस्फोटलगत्तै भवन अचानक भग्नावशेषमा परिणत भएको थियो । स्थानीयले तत्काल दुर्घटनास्थलमा फसेका मानिसहरूलाई उद्धार गरेको र उद्धारकर्मीले १५ जनालाई बाहिर निकालेको बताइएको छ ।