लुम्बिनी प्रदेशका पूर्वप्रदेश प्रमुख धर्मनाथ प्रसाद यादवको निधन भएको छ। यादवको ७० वर्षको उमेरमा मंगलबार घरमै निधन भएको हो । 

सिरहाको सुखिपुर नगरपालिका वडा नम्बर ६ मा बसोबास गर्दै आएका यादवलाई तत्कालीन राष्ट्रपति विद्यादेवी भण्डारीले ०७६ साल कात्तिक १८ गते लुम्बिनी प्रदेश प्रमुख नियुक्त गरेकी थिइन्।

यादवको दाहसंस्कार भने बुधबार गरिने पारिवारिक स्रोतले जनाएको छ। यादव पुराना कम्युनिस्ट नेता मानिन्छन्।

स्थायी शिक्षकबाट राजीनामा दिएर यादव ०४८ साल र ०५१ सालको निर्वाचनमा नेकपा एमालेबाट लडेका थिए। यद्यपि उनी पराजित भएका थिए ।