सुर्खेत– नेत्रविक्रम चन्द ‘विप्लव’ नेतृत्वको नेकपा माओवादीले पूर्वी सुर्खेतको गोचेखोलामा यात्रुवाहक बसमा आगजनी गरेको छ । उक्त समूहले गुर्भाकोट नगरपालिका–१४ को गुमीबाट छिन्चु आउँदै गरेको ना२ख ७४४४ नम्वरको बसमा आगजनी गरेकाे हाे । 

आइतबार राति साढे एक बजेतिर गाेचेखाेलामा बस राेकेर चालक, सहचालक र साहुलाई झारेर पेट्रोल खन्याएर पाँच–छ जनाको हतियारसहितको समूहले आगजनी गरेको हो ।

प्रहरीका अनुसार बस पूर्णरुपमा क्षति भएको प्रहरीले जनाएको छ । बस जलाइएकाे ठाउँ नजिकै शंकास्पद वस्तु फेला परेको छ ।