इंग्लिस प्रिमियर लिग फुटबलमा एभर्टनले वेष्ट ब्रोमलाई ५–२ ले हराएको छ । जितसँगै ६ अंकका साथ एभर्टन शीर्ष स्थानमा रहेको छ भने वेष्ट ब्रोम दुईवटै खेलमा पराजित हुँदै पुछारमा रहेको छ ।

खेलको १०औँ मिनेटमा गोल गर्दै वेष्ट ब्रोमले अग्रता बनाएको थियो । एभर्टनका लागि डोमिनिक कालभर्ट लेविनले ह्याट्रिक गरे । 

पहिलो हाफको अन्त्यतिर वेष्ट ब्रोमका खेलाडी काइरन गिब्सले एभर्टनका खेलाडीलाई लडाएपछि रेफ्रीले गिब्सलाई रातो कार्ड दिएका थिए । 

विवाद गर्न आएको भन्दै वेष्टब्रोमका प्रशिक्षक स्लोभेन विलिचले पनि रातो कार्ड खाएका छन् ।