नेकपा एमालेका अध्यक्ष केपी शर्मा ओलीले सरकारले अलंकार पदकहरूको दुरुपयोग गरेको बताएका छन् । सातौं संविधान दिवसको अवसरमा आज एमालेले आयोजना गरेको कार्यक्रममा उनले सरकारले अलंकार पदकहरूको नाकमा कालो पोतेको बताए ।  

‘आज बाबुको मुख हेर्ने दिन हो? श्रीमतीको मुख हेर्ने दिन हो? छोराछोरीको मुख हेर्ने दिन हो?,’ ओलीले प्रश्न गरे ।  

उनले अघिल्लो सरकारको आलोचना गर्ने पत्रकारलाई सरकारले ठूलाठूला पदक दिएको पनि आरोप लगाए । ‘झगडियाहरू सम्मानित, तथानाम बहस गर्नेहरू सम्मानित, जे पायो त्यही बोल्नेहरू सम्मानित, दुई/चार जना छुटेको जस्तो लाग्यो, किन छोडेको होला?,’ ओलीले भने ।